ჩვენი სკოლა

მე-5 საჯარო სკოლა

სსიპ ქ.ქუთაისის  N5 საჯარო სკოლის მოკლე ისტორია .
ქალაქ ქუთაისის  N5 სკოლა დაარსდა  1938 წელს . მდებარეობდა ახლანდელი წმინდა ნინოს სახელობის მე-3 სკოლის პირველ სართულზე. დირექტორი პეტრე მეფარიშვილი. 1942წ. ივნისიდან რეორგანიზაციის შედეგად გადაკეთდა ქუთაისის ვაჟთა  N5  საშუალო სკოლად და განთავსდა პირველი სკოლის მე-2 სართულზე - დირექტორი ნაომ მესხი. 1954 წ. დაფუძნდა საფიჩხიაზე, როგორც ქ.ქუთაისის N5საშუალო სკოლად, ქალ-ვაჟთა სკოლის შეერთებით.
დირექტორები:
 1942-45წ. ნაომ მესხი,
 1946-1951წ.ბიძინა გულდედავა
1952-1963წ.წ. ალექსანდრე გაჩეჩილაძე
1963-1965წ.წ. ალექსანდრე არდიშვილი
1965-1974წ.წ. სერგო ჭუმბურიძე
1974-2005წ.წ. ცაცუ (ნანული) ჭკადუა
2005-2007წ.წ. ია პაიჭაძე-სულავა
2007-2011წ.წ. ციალა ანთიძე
2011-2012წ.წ. მერაბ ხუციშვილი(დირექტორის მოვალეობის შემსრულებელი) 
2012 წლიდან ია პაიჭაძე - სულავა.

დამსახურებული პედაგოგები: მარიამ ყუფარაძე (ფიზ. მომზადება), დუშიკო ჯავახაძე (ბიოლოგია), ნინო პაპუაშვილი (ქართული ენა და ლიტერატურა), ელგუჯა მარუაშვილი (ფიზ.აღზრდა).
1994 წლიდან დღემდე სკოლაში მოღვაწეობს  მერაბ ხუციშვილი  - დირექტორის მოადგილე სასწავლო აღმზრდელობით დარგში.
ქიმია-ბიოლოგიის მასწავლებელი შუშანა (ჯეირან) კარაპეტიანი-თევდორაძე ღირსებისა და შრომის ორდენების კავალერი, უმაღლესი კატეგორიის, დამსახურებული, სახალხო განათლების წარჩინებული მოღვაწე, ამაგდარი პედაგოგი- 1966 წლიდან დღემდე მოღვაწეობს სსიპ ქ. ქუთაისის  N5 საჯარო სკოლაში.
  დაწყებითი  კლასების მასწავლებელი-სახალხო განათლების წარჩინებული მოღვაწე- მაია ომიაძე.
1985 წლიდან სკოლას ჰყავდა მომღერალ ბავშვთა გუნდი, რომელიც წარმატებით გამოდიოდა საქალაქო,  ზონალურ და რესპუბლიკურ ოლიმპიადებში. რომელსაც ხელმძღვანელობდა ამავე სკოლის მოქმედი მუსიკის პედაგოგი ნანა შალამბერიძე.
სკოლაში წლების განმავლობაში მოღვაწეობდნენ ყველასათვის საყვარელი და ღიესეული პიროვნებები როგორებიც იყვნენ: ქალბატონი ნინო პაპიაშვილი,მინერი თვალავაძე, შურა ფორჩხიძე, დარეჯან სვანაძე, ციალა ჯაფარიძე, გენრიეტა მორალიშვილი და სხვა.
სსპქ. ქუთაისის N5 საჯარო სკოლა წარჩინებით დაასრულა ცნობილმა ქართველმა მწერალმა-რეზო კლდიაშვილმა,  ქართველმა მომღერალმა-სალომე ბაკურაძემ, ქუთაისის რაგბის გუნდ „აიას“ მოთამაშე და შემდეგ მწვრთნელი შალვა ქურციკიძე. ამავე სკოლის კურსდამთავრებულები არიან ცნობილი სპორცმენები:  ლევან კეზევაძე, ამირან დოღონაძე, გიორგი ცირეკიძე , ჯაბა მოსეშვილი და მრავალი სხვა.
 სსპ ქ. ქუთისის N5 საჯარო სკოლის კურსდამთავრებულები ავთო ხიონიდი და თამარ ხაჩიძე არიან გუნდ „იშვიათი იმერლების“ წევრი და აქტიურად მონაწილეობენ „ მხიარულთა და საზრიანთა კლუბში“ რაშიც 2016 წელს მიაღწიეს წარმატებას და დაიკავეს პირველი ადგილი.
  ამავე სკოლის მეხუთე კლასის მოსწავლე ელენე გეწაძე არის პირველი ადგილის მფლობელი კლდეზე ცოცვაში.

  სალომე ბაკურაძე დაიბადა 1984 წლის 9 ივლისს. დაამთავრა მე-5 საჯარო სკოლა. იგი არის ძალიან ნიჭიერი მომღერალი. მაყურებელმა მუსიკალურ პროექტ „ნუცას სკოლა“-ში გაიცნო, შემდეგ „ჯეოსტარი“, სადაც მისი გამოსვლები ყოველთვის დასმახსოვრებელი იყო მაყურებლისთვის და ფინალში მიიღო მონაწილეობა. შემდეგ მონაწილეობა მიიღო პროექტ „ბრავო“-ში, რომლის გამარჯვებული გახდა.

  ჯაბა გოჩას ძე მოსეშვილი დაიბადა 1994 წლის 1 იანვარს. ქ. ქუთაისში. 2012 წელს დაამთავრა ქ. ქუთაისის N5 საჯარო სკოლა და იმავე წელს ჩაირიცხა ქ.ქუთასის აკ.წერეთლის სახელმწიფო უნივერსიტეტის გარემოს დაცვისა და გამოყენების ფაკულტეტზე სადაც დღემდე სწავლობს. ჯაბას სპორტული კარიერა დაიწყო 2011 წელს. ის არის საქართველოს მშვილოსნობის ფედერაციის ნაკრების წევრი  2013 წლიდან. მას ამ სპორტში ბევრი მიღწევა აქვს. იგი არის საქართველოს ექვსგზის ჩემპიონი, საერთაშორისო ჩემპიონატის 3-გზის გამარჯვებული. ბაქოს ღია ჩემპიონატის ვიცე ჩემპიონი 2-ჯერ, ასევე ბაქოს ღია ჩემპიონატის გამარჯვებული გუნდურ ჩათვლაში.  იგი გახდა ანტალიის ღია ჩემპიონატის ვიცე ჩემპიონი(გუნდურ ჩათვლაში). ჯაბა არის ხათუნა ნარმანიას თასის მფლობელი ორჯერ.

      ნანული ალექსანდრეს ასული ქავზინაძე დაიბადა 1939 წლის 2 იანვარს, ხონის რაიონში. 1957 წელს დაამთავრა ქუთაისის მე-5 საშუალო სკოლა. იმავე წელს ჩაირიცხა წულუკიძის სახ. სახელმწიფო პედაგოგიურ ინსტიტუტში, საბუნებისმეტყველო-გეოგრაფიის ფაკულტეტზე, რომელიც დაამთავრა 1962 წელს. 1963 წელს პედაგოგიური მოღვაწეობა დაიწყო ქუთაისის მე-3 საშ. სკოლაში გეოგრაფიის მასწავლებლად. 1964-2005 წლებში მუაობდა მე-5 საჯარო სკოლაში გეოგრაფია-ასტრონომიის მასწავლებლად.  1976 წელს ქალბატონი ნანული დააჯილდოვეს სამკერდე ნიშნით „სახალხო განათლების წარჩინებული’’

  1982-1987 წლებში საატესტაციო კომიციამ მიანიჭა წოდება ,,მასწავლებელ-მეთოდისტი’’. 1988 წელს აირჩიეს გეოგრაფიის მთავარ სპეციალისტად. 1992-1997 წლებში საატესტაციო კომისიამ მიანიჭა წოდება ,,უმაღლესი კატეგორიის მასწავლებელი’’. 1994 წელს დაამთავრა დ.კაკაბაძის სახელობის სახვითი ხელოვნების სახელმწიფო გალერიასთან  არსებული მხატვრული ქარგვის სექცია. 1996 წელს დაიბეჭდა მისი ლექსების კრებული . ,,ლექსები მხოლოდ მეგობრებისათვის’’. 2001 წელს საქართველოს ხალხური ხელოვნების ფესტივალში წარმატებული მონაწილეობისათვის დააჯილდოვეს დიპლომით. 2011წლიდან დღემდე ხელმძღანელობს საზოგადოება ,,ბაღისკიდესთან“ არსებულ ცაციების კლუბს.  2013 წელს დაიბეჭდა ლექსების მეორე წიგნი „რჩეული ჩემგან გამორეულთათვის“. 2014 წელს საზოგადოება „ბაღისკიდის“ გადაწყვეტილებით ქალბატონ ნანულის მიენიჭა საპატიო „ბაღისკიდელის“ წოდება.                                          

   სხვადასხვა წლებში საკავშირო და ადგილობრივი მეთოდური ჟურნალ-გაზეთებითა და ტელევიზიით არაერთგზის იქნა განზოგადებული მისი მუშაობა. მრავალჯერ აქვს მიღებული მონაწილეობა გამოფენებსა და ფესტივალებში. დაჯილდოებული არის სიგელებით და ფასიანი საჩუქრებით.

   არის პენსიონერი,შრომის ვეტერანი, საზ.,,ბაღისკიდის’’ გამგეობის წევრი.

საფიჩხია

საფიჩხიაა ქალაქის,

აღმოსავლეთის კარი,

სტუმარ-მასპინძლის შემხვედრი,

თუკი დასჭირდა ფარი...

საფიჩხიაა სიძველის,

რჩეული კოლორიტი,

პატარა მოედნითა და

ლამაზი ეკლესიით.

უკვე მრავალი წელია,

საფიჩხიაზე ვცხოვრობ,

აქ დავამთავრე სკოლა და

სწავლებისთვისაც ვშრომობ.

გისურვებთ კურსდამთავრებულთ,

კეთილ მოაწყოთ სახლი,

გიყვარდეთ ქუთაისი და

 საფიჩხიელი ხალხი.

 ნანი ქავზინაძე 1994წ